Anna Frank

Əgər Hollandiyada yəhudiləri belə dözülməz yer­lər­də saxlayırlarsa, onda gör onlar sürgün edildikləri yer­lərdə nələr çəkirlər. Düşünürük ki, onların çoxunu, sadəcə, məhv edirlər. İngilis radiosu qaz kamera­la­rından danışır, yəqin, bu, öldürməyin ən sürətli va­si­təsidir.

Danışıq: günün bütün vaxtları yalnız pıçıltıyla danışmağa icazə var. Bütün mədəni xalqların dilində, de­məli, alman dilindən başqa, danışmaq olar.

Bütün tələbələr almanlara rəğbət bəslədiklərini və yeni qaydaları bəyəndiklərini təsdiqləyən ərizəyə qol çəkməlidir. Səksən faiz öz vicdanın əleyhinə get­mə­yə etiraz etdi və bu səbəbdən də qol çəkmədi. Bu, nə­­ticəsiz qalmadı, indi qol çəkməyənlərin hamısını Al­ma­niyaya işləməyə göndərirlər.

Belə getsə, Hollandiyada gənc qalmayacaq!

“O, öz ağlı ilə böyük,

Əməllərində xırda idi fəqət”.

İnsan çoxlarının sevimlisidirsə, amma ən azı bir nə­fə­rin “ən sevimli”si deyilsə, o, yenə də özünü tənha hiss eləyəcək!

Anna

Çərşənbə, 29 mart 1944-cü il

Əzizim Kitti!

Dünən holland radiosuyla çıxış edən nazir Bolkenş­teyn dedi ki, hərbi xatirələr, gündəliklər və məktublar sonralar böyük əhəmiyyətə malik olacaq. Əlbəttə, bundan sonra hamı mənim gündəliyimdən danışmağa başladı.

“Kimin vicdanı təmizdir, o da güclüdür!”

Burada Anna Frankın gündəliyi qurtarır.

Birinci Marqo, bir neçə gündən sonrasa Anna ölür. On­­ların ölüm tarixi 1945-ci il martın axırı – aprelin əv­vəl­lərinə düşür. Hər iki qızın cəsədi, yəqin ki, Ber­qen-Belzenin ümumi qəbrində basdırılıb. 12 aprel 1945-ci il­də bu düşərgə ingilislər tərəfindən azad edilir.

Sığınacağın sakinlərini həbsdən sonra Amsterdam həbs­xanasına, dörd gündən sonrasa Vesterborkda yə­hu­dilər üçün olan köçürülmə düşərgəsinə yerləş­di­rir­lər.

­3 sentyabr 1944-cü ildə şərqə gedən axırıncı qatarla onları Polşadakı Osvensimə deportasiya edirlər.

Edit Frank 6 yanvar 1945-ci ildə Osvensim-Birke­nau­da qadınlar düşərgəsində aclıqdan ölür.