Amil Amal

Bəlkə də anamın

kürəyimə çəkdiyi

yod “kletka”sı kimi

Tanrı bütün

meridianları, paralelləri

Dünyanın sağalması üçün

yer kürəsinə çəkmişdi.

kimlər xəstələrinin

dizinə vurduğu kimi

vurar çəkiclərini

masaya hakimlər.

Birində diz atılar,

birində dik atılar

məsum-məsum

adamlar.

Günəş tutulması kimi

bir gün sənin də

ürəyin tutulacaqdı.

Hamı taxıb qara eynəyin

səni seyrə gələcəkdi.