Clarisse Nicoïdski

avrio la puarta

cun sus manus

incindió

un fuegu di spantu

tumo il pan

cun sus manus

cumio

una cumida di spantu

tumo il agua

in sus manus

bivio

un’agua di spantu

i cuandu avrio las manus

maldi in ellas

una mancha di spantu

boca di piedra

aviarta comu una foja ariva dil arvuli blancu

ichandu gritus fuegu

palavras

hurlandu guardati

al oju qui sin saver

ti mira

aviarta comu una foja ariva dil arvuli blancu

boca di piedra

vinida di tiempus muartus

mar di sal riu secu cayada

piedra di foja

boca di arvuli

mano y voz

juntos

abren la puerta de un paisaje

de temblor y hielo

la flor

del viento

cayó

despacio despacio

en el agua dormida