Qismet Rustemov

kim bilir, bəlkə səadət
üz tutduğumuz yox,
üz çevirdiyimiz yerdi?

və birdən
gözlərin hüzn elmləri

Əvvəlcə axşam düşər, sonra mənim ürəyim...

Sevginin gözləri Vanqa

Gecələr,
bəzi gecələr,
hücum çəkir üstümə
dodağından çıxan qara maskalı cümlələr.
Axşam xəbərlərində adım “mərhum” sözündən sonra...
Şahid kimi dindirilən qapılar danışıblar: “Xəbərimiz yoxdur”.
Polis iki vergül tapıb, bir də nida,
və belə təsbit edilib cinayət silahı:
“Səsboğucu taxılmış son model ƏLVİDA“.