Qeyd dəftərçələri. Məktubları

Yalan da desən sənə inanacaqlar, təki nüfuzlu danış.

— Susuz olanda sənə elə gəlir ki, dənizi tamam içə bilərsən — bu inamdı, içməyə başlayanda isə bir-iki stəkanla kifayətlənirsən — bu elmdi.

— Xoşbəxt adamın qapısının arxasında əlində çəkic tutmuş bir nəfər dayanmalıdır, çəkici taqqıldatmalı və xatırlatmalıdı ki, bu dünyada bədbəxtlər də var, ani xoşbəxtlikdən sonra hökmən bədbəxtçilik gələcəkdir.

Sərçəyə elə gəlir ki, əri cikkildəmir, gözəl bir mahnı oxuyur.

Tərbiyəli olmaq sousu süfrəyə tökməmək deyil, tərbiyəli olmaq bunu başqası edəndə görməməkdir.

— Xala haqqında: o, məni sevmir, mənə qarşı olan xalalıq borcunu sevir.

Təklikdən qorxursunuzsa evlənməyin.

— İnsana üç arşın yer lazımdı.
— İnsana yox, meyitə. İnsana bütün yer kürəsi lazımdı.

Xəyanət etmiş qadın iri, soyuq kotletə bənzəyir, əlini vurmaq istəmirsən, çünki qabdan qalan olduğunu bilirsən.

Kim səmimidirsə, o haqlıdır.